Ovdačovdosiid

Alimus rievtti dehálaččamus bargu lea ovdačovdosiid addin oba riekteortnega dáfus dehálaš gažaldagain ja eará láhkageavaheami stivrema várás. Ovdačovdosat addojuvvojit dábálaččat dakkár áššiin, main lágat ja ásahusat eai atte čielga vástádusa riektegažaldahkii dehe daid sáhttá sisdoalus dáfus dulkot.

Ovdačovdosat almmuhuvvojit suoma- ja ruoŧagillii Alimus rievtti čovdosat –nammasaš jahkegirjin, alimus rievtti ruoktosiidduin ja Finlex-mearrásusdiehtobáŋkkus. Almmuheamis mearrida ášši čoavdán alimus rievtti čoakkádus.

Čoavddus, mii galgá almmuhuvvot, sisdoallá bájilčállosa ja čilgehusa. Bajilčállosis lea čoahkkáigeassu dan riektegažaldagas, man čoavddus guoská. Čilgehus sisdoallá alimus rievtti čovdosa dađi mielde go dat lea ovdačoavddusgažaldaga govvideami dáfus dárbbašlaš.

Jagis addet sulaid 150 ovdačovdosa. Jahkegirji, mas leat ovdačovdosat, almmustuvvá guovtte geardde jagis. Ovdačovdosiid gávdnama veahkkin leat ráhkaduvvon registarat. Maŋimus girji lea Alimus rievtti čovdosat, Registtar 1985-1995. Jahkegirjjiid goastida Edita oyj. Finlex-mearrádusdiehtobáŋkkus leat badjel 12 000 vuoigatvuohtadáhpáhusa.

Čovdosis váldet dávjá beali maid dakkár gažaldagaide, mat eai adnojuvvo ovdačoavddusgažaldahkan. Dáid čovdosiid oasit eai dalle almmuhuvvo eaige dat danin váldojuvvo maid čilgehussii.

Čovdosat ollislažžan leat dábálaččat almmolaččat. Kopiijaid dain sáhttá diŋgot registrerenbáikkis, tel. 010 3640050. Kopiijain šaddá máksit.

Lassidieđieđuid čovdosiid almmuheamis ovdačoavddusin oažžu alimus rievtti čovdosiid almmustahttinprinsihpain Finlexas. Almmustahttinprinsihpat almmuhuvvojit maid jahkegirjjin.